Еко-акција „3Д Екобус“

Во рамките на проектот „Хероите на рециклирањето“ организиран во соработка со ПАКОМАК на 05-06.11.2014 година беше реализирана еко-акцијата „3Д екобус“. Акцијата имаше за цел здобивање на знаење за одделно собирање на отпадоците од пакување и придобивките за сите нас, градот, во кој живееме, животната средина и општеството како целина; создавање на личен позитивен однос кон одделното собирање на отпадот, зачувување на чистотата и заштита на животната средина; формирање на навики за секојдневно одговорно однесување на децата кон нашата околина, луѓето околу нас и светот во кој живееме; мотивирање на децата за активно однесување и пренесување на наученото меѓу пријателите и во семејната средина. Во акцијата учествуваат учениците од I-VI одделение заедно со одделенските раководители.