Еко-акција „Ден без автомобили“

По повод Меѓународниот ден без автомобили, на 22.09.2014 година се спроведе еко-акцијата „Ден без ватомобили“. Во акцијата учествуваа учениците од V-3 одделение под менторство на наставничката Виолета Ристовска. Акцијата имаше за цел подигање на свеста кај учениците и пошироката јавност за што поголема употреба на велосипедите со цел да се подобри здравјето и заштити животната средина. Учениците за време на акцијата изработија знаци и пароли на тема „Да ги оставиме автомобилите, да ги земеме велосипедите“ со кои потоа дефилираа по улиците околу училиштето. Со ова тие упатијапорака дека со својот избор на начинот на движење можат активно да придонесат во подобрување на квалитетот на живеење, намалување на урбаното загадување и за подобрување на квалитетот на воздух.