Еко-акција „Собирна акција на стара хартија“

По повод 22 Април, Светскиот ден на планетата земја, беше организирана собирна акција на стара хартија. Акцијата беше спроведена во периодот од 22.04 - 25.04.2014 година. За таа цел беа изработени флаери кои беа поделени на населението од локалните згради и беше објавено известување на главниот влез на зградата во училиштето. Учениците и вработените од нашето училиште како и локолното население во овој период имаа можност да се ослободат од непотребната стара хартија од своите домови и да ја донесат во училиштето. Целта на акцијата беше подигање на свеста кај учениците, вработените и локалната средина собирање, рециклирање и откуп на старата хартија со цел заштита на планетата замја. 
Во нашето училиште ова е втора собирна акција на стара хартија оваа година. Сретставата собрани од двете акции ќе бидат искористени за набавка на лектири за училишната библиотека.