Еко-акција „Најпролетна училница“

По повод 21-ви Март, Денот на пролетта и Денот на екологијата, се организираше училишен натпревар на тема „Најпролетна училница“. Напреварот треаше од 10-18.03. 2014 година. Учениците и одделенските раководители ги украсија своите училници и паноа со свежи цвеќиња, саксиски цвеќиња и рачни, самостојни изработки од природен еко-материјал. На натпреварот учествуваа учениците од од I до VIII одделение. Натпреварот имаше за цел подигање на свеста кај учениците, наставниците и пошироката јавност за реупотреба и рециклирање на отпаден материјал за дизајнирање и украсување на училишниот простор и влијанието на човекот врз средината и одржување на естетскиот изглед на училишниот простор. 
Училишната комисија составена од наставник по ликовно образование Богданка Барутовска Вељановска и наставник по француски јазик Љупка Здравковска на 18.03 го спроведе изборот на најубаво украсени училници според следните критериуми: најубава декорација, најиницијативна идеа, најестетска декорација и најоригинална декорација. На одделенијата-победници им беа доделени пофалници.