Еко-акција „Заштеда на енергија“
По повод Светскиот ден на заштеда на енергија, 5-ти Март, на 05.03.2014 година во нашето училиште беше одржана едукативна работилница на тема „Заштеда на енергија“ од страна Граѓанското здружението „Еко-свест“. Работилницата беше раководена од проектниот координатор од „Еко-свест“, Невена Смилевска. Во работилницата учествуваа 50 учениците од V до VIII одделение. Целта на работилницата беше учениците да се запознаат со: 
  • формите на енергија, 
  • начините како добиваме и како ја користиме енергијата, 
  • од каде доаѓа енергијата која ја користиме во домовите и училиштето,
  • да се запознаат со обновливите и необновливите извори на енергија, 
  • зошто и како да заштедиме енергија во домот и училиштето. 
Во вториот дел од работилницата тимот на ученици кои учествуваа во еко-акцијата „Енергетска ефикасност“ го прикажаа своето видео кое го изработија за натпреварот на истата тема и ги презентираа своите искуства и стеканати знаења на оваа тема. Тимот на ученици исто така изработи и кратка брошура во кои беа изложени некои од начините за штедење на енергија. Брошурите беа поделени на останатите ученици кои присуствуваа на работилницата. 
Подолу можете да ја погледнете презентацијата од работилницата и брошурата изработена од учениците.