Еко-акција „Парада на цвеќето“

На 17.05.2014 година учениците од нашето училиште учествуваа на првиот цветен фестивал под мотото „Слушни ја бојата“ во организација на ЈП „Паркови и зеленило“ - Скопје со покровителство на градоначалникот на град Скопје. Овој фестивал имаше ревијален карактер, а целта беше да се соберат на едно место деца од градинки и ученици од основните училишта од град Скопје кои ќе дефилираат од плоштадот „Македонија“ до Градскиот парк  каде се одржа фестивалот и да ја изразат својата умешност со  цвеќето, декорацијата и дизајнот .Во дефилето учествуваа наши ученици од второ, трето и четврто одделение и истите носеа цветни венчиња и костими со цветови. Денот помина во топла и прекрасна атмосфера и сите ученици имаа прекрасни впечатоци и импресии од целокупната атмосфера, амбиент и обоеност во бојата на цвеќето на сите присутни учесници  во дефилето.