Еко-акција „Енергетска ефикасност“

Во периодот од јануари 2013 до јануари 2014 година  се спроведува проектот „Преку енергетска ефикасност до намалена емисија на CO2 - намалени климатски промени“. Проектните активности ги спроведува Здружението за едукација, комуникација и консалтинг „ОХО“ од Скопје, а партнер на проектот е Глобалниот еколошки фонд - Програма за мали грантови, Македонија. Генерална цел на проектот е намалување на климатските промени преку намалена емисија на CO2 во воздухот преку имплементација на мерки за енергетска ефикасност. Со цел да се поттикнат училиштата во државата да имплементираат мерки за енергетска ефикасност, се распиша натпревар за најдобро видео на тема Енергетска ефикасност.
За таа цел учениците од VII и VIII/9 одделение под менторство на наставничката Светлана Петрова на03.12.2013 година беа во посета на „Хабитат“ и разговараа на темата Енергетска ефикасност. Цела беше учениците подобро да се запознаат со поимот енергетска ефикасност и климатските промени и зошто енергетската ефикасност е важна за секојдневниот живот и како може да се помогне на планетатат со правење на енергетско ефикасни куќи, згради и објекти. По завршената посета учениците снимија видео запис со кој земаа учество во натпреварот.