Еко-акција „Превенција од дрога“

Во рамките на еко-темата Здравје и дел од Програмата за здравствена заштита и здравствено образование на учениците на 13.05.2014 година беше спроведена едукатива работилница на тема „Превенција од дрога“. Во работилницата учество земаа 40 ученици од VIII одделение под менторство на училишниот психолог, Александра Арсовска Бечовска. Работилницата ја реализираше г-дин Лазар Бундев, член на Н.В.О. „Доверба“. 
Г-дин Бундев членува во организацијата од 2001 година, на почеток како член во тимот во креативната работилница, две години подоцна почнува со работа на информативната телефонска линија за помош од дроги, а две години подоцна по дополнителна обука се вклучува во инфо линијата, теренската работа и работа со групи за самопомош поврзани со превенцијата на ХИВ/СИДА работејќи паралелно и на теренско доверливо советување и тестирање на ХИВ/СИДА во соработка со ХЕРА. Пред пет години се вклучува во Н.В.О. ХОПС каде работи на намалување на штетите од користењето на дрогите. 
Неговото долгогодишно искуство го пренесе на учениците со цел подигање на свеста кај учениците за видовите дроги и нивното влијание врз животот на младите луѓе. 
На 15.05.2014 година работилницата беше организирана и за членовите од Советот на родители во училиштето.